Posts

श्री जगदंबा सप्तक

Image
आदिशक्ती तुळजाभवानी छायाचित्र स्रोत नमो आदिशक्ती तुळजाभवानी, नमन तुजला हे वरदायिनी नमो महालक्ष्मी सूक्ष्मरूपिणी, नमन तुजला हे वैभव दायिनी नमो कालीदुर्गा तू दैत्यहरणी, नमन तुजला हे करवीर निवासिनी  नमो सरस्वती तू हंसवाहिनी, नमन तुजला हे विद्या दायिनी नारायणाची तू नारायणी, कधी शिवाची तू शिवगामीनी  कधी शांता, कधी दुर्गा, कधी असे तू मोहिनी  तूच रेणुका, तूच कालिका, तूच मोक्षदायिनी  भक्तांना देसी आसरा, तूच जग उद्धरणी अनंत रूपे जगात असती, तशीच असती मम जीवनी  रूप तुझे हे कधी पत्नी, परी कधी भासे जननी जगदंब .. जगदंब... जगदंब....

सं-सा-र त्रिसूत्री

Image
  बऱ्याच कुटुंबातून सध्या , गृहकलह वाढत असल्याचे जाणवले;    दोन पिढयांमधला संवाद संपत चालल्या मुळे त्यांच्यातील समन्वय देखील हरवत चाललेला दिसतो आहे. विवाहित तरुणाई / प्रौढ मंडळी मानसिक तणावाखाली असल्याचे जाणवले.  कौटुंबिक कलह म्हटल्यावर बऱ्याचदा स्त्रियांनाच जबाबदार धरले जाते , परंतु यामध्ये पुरुषांची भूमिका देखील तितकीच महत्वाची असते. कुटुंबातील सर्वच सदस्यांनी सामंजस्याने घेतले तर असे तणाव दूर होण्यास नक्कीच सहकार्य होईल असे वाटले आणि म्हणूनच हा लेखन प्रपंच. बऱ्याचदा विवाहित तरुणाईला त्यांचे आयुष्य त्यांच्या पद्धतीने जगावेसे वाटत असते , घरामध्ये स्वतंत्र स्थान / अधिकार हवे असतात , प्रायव्हसी हवी असते अर्थात यात गैर काहीच नाही. केवळ पती-पत्नी राहत असणाऱ्या स्वतंत्र कुटुंबामध्ये हे शक्य असतं. पण जिथे पती-पत्नी आणि सासू-सासरे एकत्र असतात तिथे मात्र यातील बऱ्याच गोष्टींवर मर्यादा येऊ लागतात ; यातूनच वादाच्या ठिणग्या पडू लागतात. घरात काही वस्तू विकत घ्यायची म्हटली तर सगळ्यांचीच मते मतांतरे घ्यावी लागतात. स्वयंपाक , सण-उत्सव आदी करण्याच्या पद्धतीमध्ये असणारे सूक्ष्म फरक लक्षात येऊ ला

जागर हिंदुत्वाचा

Image
  विश्व हिंदू परिषद, बजरंग दल कार्यकर्त्यांसाठी रचलेले एक मेळावा गीत.     जागर हिंदुत्वाचा ; करू जागर हिंदुत्वाचा || धृ. ||   औरंग्या गाडू हिंदुद्वेषाचा ; अफझुल्ल्या फाडू राष्ट्रद्रोहाचा अवघा हिंदू एकची आहे ; मंत्र जपू हा बंधुत्वाचा || १ | |   त्याग स्मरुनी शिव-शंभूचा ; ध्यास घेऊ हिंदुराज्याचा मंदिर भव्य करणे आहे ; ध्यास करू हा हिंदू हिंदूचा || २ ||   संकल्प करुनी गोसेवेचा ; आशिष घेऊ संतजनांचा उपदेश घेऊनि भग्वदगीतेचा ; वारसा जपू हा चक्रधराचा || ३ ||   बजरंगी होऊनी बजरंग दलाचा ; अवतार होऊया बजरंगाचा अवरोध होता दुष्ट दुर्जनांचा ; अवलंब करू लंकादहनाचा || ४ ||   दिक्षित होऊन हिंदू रक्षेचा ; प्रशिक्षित होऊन शस्त्रास्त्रांचा मार्ग क्रमूनी गोविंदसिंगांचा ; झेंडा रोवू हिंदुविजयाचा || ५ ||   जन्म आपुला शौर्यासाठी ; देव देश अन धर्मासाठी अभिषेक करुनि शत्रू रुधिराचा ; सन्मान करू भारत मातेचा || ६ ||   जागर हिंदुत्वाचा करू जागर हिंदुत्वाचा

तो नक्की आहे का ?

Image
  टिप : सदर कथा ही संपूर्णपणे काल्पनिक असून, याचा कोणत्याही जीवित वा मृत व्यक्तीशी संबंध नाही.  पहाटेचा बोचरा वारा अंगाला नुसता झोंबत होता. नुकताच पूर ओसरल्यामुळे गावगाडा हळूहळू जागेवर येत होता.  पहाटे ४:३० च्या सुमारास, डॉक्टर साहेबांना हाका मारत नीलकंठ प्राथमिक आरोग्य केंद्राकडे धावत आला.  केंद्रातील डॉक्टर राकेश यांना नुकताच डोळा लागत होता, नीलकंठचा आवाज ऐकून डॉक्टर बाहेर आले.  नीलकंठ धापा टाकतच म्हणाला " सरपंचांना छातीत दुखतंय, लै त्रास होतोय जरा येताव का ? " डॉ. राकेशने तात्काळ आपली बॅग उचलली आणि सरपंचांच्या घरी पोहोचले, तपासणी करताना लक्षात आले की हा सौम्य हृदयविकाराचा झटका आहे.  अश्या रुग्णांना आवश्यक सुविधा केंद्रात उपलब्ध नव्हती, आणि तालुक्याहुन ऍम्ब्युलन्स वेळेत पोहोचण्याची शक्यता पण कमी होती .... त्यांनी सांगितले की; " मोठ्या गाडीची सोया करा ... तालुक्याला न्यावे लागेल. " खरं तर हे सांगितल्यावर स्वतः डॉक्टरांनाच कसे तरी वाटले; कारण पुरात गावातल्या बहुतेक गाड्या खराब झाल्या होत्या... नाही म्हणायला रंगराव देशमुखांची  गाडी तेव्हढी वाचली होती.... पण रंगराव आण

..... अजब तुझे सरकार !

Image
  ।। राम कृष्ण हरी ।। आषाढी एकादशीच्या पार्श्वभूमीवर, पंढरपूर, आळंदी, देहू आणि अन्य संत क्षेत्रांमध्ये येत असणाऱ्या  वारकरी मंडळींना सरकारी पातळीवर  त्रास देण्यात येत आहे.  खांद्यावरच्या भगव्या पताका काढून घेतल्या जात आहेत, पारंपरिक वारकरी वेष देखील काढण्यासाठी जबरदस्ती करण्यात येत आहे.  जे परकीय औरंगजेबाला जमले नाही, इंग्रजांना जमले नाही ते आमचे स्वकीय सरकार करून दाखवत आहे.   या सरकारी संकटाला नेमके आस्मानी म्हणावे की सुलतानी ? म्हणावे तेच कळत नाही.   आरोग्यविषय  सर्वप्रकारचे  निकष आणि नियम पाळून, वारी करण्यासाठी वारकऱ्यांनी केलेली मागणी देखील धुडकावून लावण्यात आली आहे.  एकादशीला संताच्या मांदियाळीने गजबजलेली पंढरी आज मात्र पाखंड्यांच्या मनमानी अधर्माने वेढली गेलेली पाहून मन हळहळते आहे. त्याच हळहळत्या मनातील भावना आज आपल्यापुढे मांडत आहे.  नाही यंदा दिंडी अन नाही वारकरी  सांग विठुराया; कशी घडावी तुझी वारी ।। धृ ।। चालली एकटी माउली; शल्य हे मनी विखारी  भक्ती विना जगती ते त्रैलोक्याचे भिखारी  ।। १ ।। येता चालत ओढत भक्त; दर्शना तुझ्या दारी खेचून ध्वजा  खांद्यावरची, छळती राजदरबारी ।। २